پیپلز پارٹی کے انجام کا آغاز ۔۔۔۔۔۔ عبداللہ طارق سہیل کے قلم سے

شاہ محمود قریشی نے بڑے افسوس کے ساتھ یہ بیان جاری کیا کہ تاریخ میں پہلی بار بھٹو کی برسی پر جلسہ نہیں ہوا۔ کراچی کے ایک اخبار نے ایک تصویر بڑے سائز میں شائع کی کہ بھٹو خاندان کی طرف سے بھٹو کی تصاویر کی نمائش کی گئی جسے دیکھنے کوئی نہیں آیا حتیٰ کہ پیپلزپارٹی کے رہنما بھی نہیں آئے۔ اس شاندار نمائش کا انتظام نمائش سے بھی زیادہ شاندار عمارت میں کیا گیا تھالیکن دونوں شانداریاں نظر خزاں ہوگئیں۔ خزاں یعنی راج نیتی میں اکیلے پن کی رت ۔